簡易馬拉糕

上網見到話超簡易....好味喎.....咪又試吓囉....唔試點知合唔合自己口味喎...係咪先.....

食譜唔打啦....反正上網大把...反正我唔主張呢個食譜

80g 自發粉 + 20g 吉士粉嗰個....
又牛油 又奶 嗰個.....

整咗2次, 第一次打到佢變白, 好似整 sponge 咁, 但係攪粉攪到起根, 發唔起, 俾狗食, 狗及貓都好 happy , 好滿足 ~

第二次用咗其他方法, 液體 (奶 +糖 + 牛油) 先加熱攪勻, 待涼
隨後加粉類, 用叉隨手攪到無粉粒
之後先一隻隻蛋加入
放5-10分鐘鬆下根, 先至去蒸佢


未蒸 : 

蒸好 :

熱騰騰切開 : 剛剛蒸好 , 好易唔小心整爛 ~

我承認佢好鬆, 幾軟....不過唔好味囉......吉士味太重了......

似酒樓 ? 睇吓咩級數的酒樓囉......

超簡易, 都唔期望佢d texture會有驚喜, 但起碼味道要對嘛......

佢味道唔係馬拉糕, 似馬拉盞囉.....吉士馬拉盞 ~ 一籠入面食一個都飽到上心口嗰款

沒咩人想食囉.....最後幾舊送俾狗狗食 ~

我唔理啦, 而家養緊麵種, 希望遲幾日有好消息啦....南無南無@$%@@#

唔知係咪70後同80/90 後 d味覺都有係分別....