棗皇糕

 
過年見聖安娜有款棗皇糕, 好似好靚咁~

之後上網見到原來係紅棗...當下心內一涼...個人不喜歡紅棗陣味, 覺得有點嘔心~

見到人地話利苑有呢款點心, 仲講到好好味....唔通真係好好味....

我認我 為食....想試下係咪咁正囉......

食譜出面都有, 不過人地話無紅棗味, 所以我改動了少少

紅棗我用原粒有核, 靚好多, 濕潤好多 ~ 通常去咗核嗰d都乾巴巴....想好食都知有難度啦.....

原粒紅棗 : 350g (我係藥房買咗新彊紅棗, 55/斤, 佢地話甜d架喎..佢地話)
水             : 1100g
片糖         : 2-3片 (視乎妳紅棗的甜度, 煮好紅棗漿自己試下味, 比正常甜少少就ok)
木薯粉     : 500g  (通常而家都係 454g/包, 用454g都ok...分別不大)
粘米粉     : 68g

紅棗清洗後去核, 有破損的削去 : 下面只是用水隨便洗洗的, 都沒有浸泡過, 粒粒飽滿啊 ~~~~~~~~~~

核 : 沒有去核器啊, 反正不是常做.....

紅棗加全部水份打爛成漿, 隔渣後待涼加粉 .....之後方法跟印尼椰汁千層糕一樣 (唔該自己上網搵 ) ~ 蒸法隨意 ......

紅棗味好勁啊.....仲以為我會開始喜歡紅棗...原來, 仲未ready呀...而家個喉嚨仲係好嘔心...好難頂.........  飲啖茶都沖唔走陣紅棗味.....

最好自己加層椰汁層 (無咗佢我真係食唔落)


咁蒸又得 : 隔咗渣架啦, 因為打得太爛, 所以仲有d點點, ok啦, 皮都好有營養架 ~

咁蒸都得 :

紙盒椰汁比較杰, 蒸出來又多泡泡 (我今次就係用咗佢, 好樣衰)
如果用呢款就加多d水, 或者減d椰汁....

最好用快達牌啦..不過好貴呀, 15/大罐呀, 好過去搶呀, 上年都係9蚊之馬....

上面分量都幾大底架, 送禮自用都夠 ~ 自家食就減半啦....



好難食呀.....陣味......