我玩佢, 佢玩我 之 --巧克力戚風 ~

都係用之前post 過的黃金做法 ....

通常模放中層, 上火會令面層焦黑 ..唔係金黃, 係焦黑 ~



唔可以放最下層, 個底焗好會縮上去 ~



今日試吓係最上層 "一早" 放一張鍚紙, 睇吓會唔會可以解決到問題 ...                      

蛋白打到佢咁款, 半光澤 ........          

入模7分滿 ~                    

為了令下火放緩, 所以下面焗爐和模一齊入爐 (焗盤冷身入爐)

上面是焗約 10分鐘的情形             



下面是最高點  ~~         175度  30分鐘出爐  !

倒扣中 ~  出爐見到糕面有點濕 (有光澤呀~ ) 心大心細之下, 都係掉番入爐想焗多陣, 點知, 梗係繼續沉下去啦 ~

算啦 ~ 攞番佢出來啦...博唔到大帽 tim ~



永無再凹底 ~  (只要焗時唔好太接受底火罷~ )

面層水份走唔到, 所以下沉了 ~ (喜歡你讓我下沉, 喜歡你讓我哭 ~ )

反轉睇佢個底的時候, 亦壓扁了不少呢~  水氣還重/未焗透的戚風, 是會 "全方位" 的收縮 ~               

下次試吓係鍚紙度插10幾個大洞....睇吓點 ...



既然張鍚紙咁鬼勁, 攪到上火無晒力, 下次都係咪可以試吓模放最底層呢 ...但係又怕上面受熱唔夠 ....



早知, 一早買淘寶有部半專業焗爐, 3佰幾蚊可以調校下火用半力 ...不過係電子面板, 我怕易壞 ~