糖衣爆谷 ~

爆谷機一部.....個人覺得佢爆的谷最大最靚.....又可以唔洗用油...仲幾快tim...



本來用來爆生咖啡豆.....點知有人飲到耳鳴, 所以唔再煮d咁勁的咖啡

白糖加少量水 (剛剛可以溶解d砂糖就ok, 唔洗多 ) 加大約1/5 - 1/6 容量粟米糖膠
或者其他液態糖都ok (e.g. 蜜糖 / 太古糖漿)

加牛油 , 份量隨意, 可以跟糖一樣, 我大約用了 1/3 - 1/4 份量~

中火煮佢 ~ 可以一邊鏟外圍的糖漿入中間.....

大泡泡開始轉細泡泡, 開始轉中小火~

測試 :
鑊邊放一碗冷水, 當開始轉成小泡泡時, 滴一滴糖液入碗, 如果可以立即變硬, 放入口試咬, 倘若咬感脆脆, 立即關火 ~


由甜轉苦只係幾秒之差 ~ 一定要小心, 否則前功盡 x


顏色跟toffee糖一樣, 甜度亦開始降低 ~

趁鑊還是溫的, 立即把爆谷一次過倒入 (當然事前要先考慮一下自家的鍋有多大 )

快手翻炒 ~ 使糖漿均勻覆蓋在爆谷上 ....( 盡量便可以了 ~ )

由於是做給小朋友的小食, 所以糖都覆蓋得厚厚的~

趁半熱時要分體 ....糖衣越薄越易分體啊~ 冷了硬分開話會弄破 ....

控制甜度不是用糖漿份量, 而是用烹飪時間, 糖的不同階段 ~

趁微溫可以入密封盒 ~

砂糖可以用 半白糖 半黑糖 啊 ~

糖的階段要控制到位, 要脆脆才下爆谷啊, 否則不脆又過甜....搵x食...